Haustkvöld við Hléseyjartjörn
Nafnið Hlésey er komið úr norrænu goðafræðinni
Þar bjó sjávarjötuninn Ægir sem einnig bar nöfnin Hlér og Gymir. Hann var fjölkunnugur mjög og gæddur eiginleikum sjávargoðs. Hlér var oft nefndur vinur goðanna. Kona hans hét Rán og dætur þeirra voru níu og hétu fornum nöfnum aldanna; Bylgja, Bára, Dúfa, Hrönn, Hefring, Blóðughadda, Himinglæva, Kólga og Unnur.
Rán átti net eitt mikið sem hún veiddi í drukknaða menn sem síðan bjuggu hjá henni.
Ægir bruggaði mjöð og hélt guðunum miklar veislur í Hlésey. Þar ríktu grið og sættir og ekki mátti bera þar vopn, en af því var nafnið dregið (hlé=grið). Sagt er frá veislum þessum í Eddunum og er Hlésey meðal annars vettvangur Lokasennu.
Úr Grímnismálum:
Svipum hefi eg nú yppt
fyr sigtíva sonum
við það skal vilbjörg vaka.
Öllum ásum
það skal inn koma
Ægis bekki á,
Ægis drekku að( Ég hef nú sýnt ásum andlit mitt, við það mun þráð björgun koma. Öllum ásum skal boðið til veislu /samdrykkju hjá Ægi.)